Општата слабост и зголемената температура се присутни кај речиси сите личности кај кои е откриен лупус. Препознајте ги симптомите на грип кој не поминува. Треска, температура, болка во мускулите и проблеми со сонот се класични симптоми на грип, но многумина не знаат дека ова се и симптоми на лупус. Разликата меѓу грипот и лупусот е во тоа што симптомите на груп поминуваат за 10 дена додека кај лупусот може да траат и со недели и тоа во циклуси.
Губење килограми
Наглото губење килограми би можело да биде прв знак за лупус. Бидејќи станува збор за автоимуна болест каде имунолошкиот систем се напаѓа самиот себе, може да дојде до оштетување на штитната жлезда и пореметување на хормоните што доведува до нагло слабеење.
Лимфни јазли на вратот
Лимфните јазли се мали структури со облик на грашок во телото кои помагаат во борбата против инфекции. Обично може да се видат или почувствуваа под рака. Кога работат прекувремено како што е тоа случај кај лупусот, може да станат видно отечени и болни на допир, најчесто долж вратот, низ вилицата и зад ушите, но може да се видат и на препоните или под пазувите.
Осип од сонце
Осип во форма на пеперутка на носот или образите, а како последица од изложување на сонце е еден од симптомите кој се врзува само за лупусот и обично останува на лицето долго по изложувањето на сонце.
Постојано чувство на умор
Уморот не е доволно силен збор кој би го употребила личноста за да опише како се чувствува, бидејќи пациентите често не можат да станат од кревет. Анемијата е уште еден симптом на лупус кој може да резултира со стално чувство на умор.
Опаѓање на косата во прамени
Иако лупусот може да се јави и кај мажите и кај жените, во 90 отсто од случаите се дијагностицира токму кај жените на возраст од 15 до 44 години. А едно од понепријатните искуства е губењето на косата за краток период.
Болка во градите
Инфаркт е она што на многумина прво им паѓа на памет, но ако срцето е здраво тогаш може да станува збор за лупус.
Oтекување на нозете
Отекувањето на нозете е еден од симптомите на лупус, а е последица на задржувањето на течностите во организмот заради лошата работа на бубрезите, повторно како резултат на лупусот.
