Едно поново истражување во кое учестувале 2 000 возрасни личности покажало дека дури 43 проценти од учесниците пребаруваат на Гугл за симптомите кои им се појавиле, и при тоа се убедиле дека се болни од некоја тешка болест. Околу 65 проценти од испитаниците поставиле дијагноза со помош на Гугл, иако лекарите предупредуваат дека ’гуглањето’ на симптомите може да донесе повеќе штета отколку корист.
А така е затоа што наместо да се бара решение, пациентите на д-р Гугл веруваат дека се болни од некоја тешка, најчесто неизлечива болест и дека им нема спас. Иако се покажало дека одговорите и медицинските совети коишто ги нуди д-р Гугл се точни во само 40 проценти од случаите.
За среќа, не му веруваат сите на Гугл, а половина од испитаниците кои биле дел од истражувањето рекле дека кога имаат некаков здравствен проблем одат на лекар и не пребаруваат по интернет, затоа што тоа непотребно ќе ги вознемирело.
Авторите на истражувањето велат дека нема ништо лошо во тоа да се биде информиран, но не треба да се избрзува со заклучоците, туку дијагностицирањето треба да им се остави на стручњаците.
