Веројатно нема човек кој не е склон на барем една од овие навики, кои според лекарите може да му наштетат на телото, а некои и сериозно да го нарушат здравјето.
Пукање прсти
Освен што звукот на пукањето прсти иритира, тоа не е добро, ниту за лицето склоно кон оваа навика. Лицата кои тоа зачестено го прават, со тек на време ќе имаат поголеми шанси за појава на отоци на прстите и се послаб стисок, а се зголемува и ризикот за појава на артритис. Имено, во зглобовите се наоѓа синовијална течност, состојка која ги чува, подмачкува и влијае на нивната подвижност. Гасовите во таа течност создаваат микроскопски меурчиња кои пукаат и создаваат звук ако прстите постојано се истегнуваат или се виткаат со сила.
Грицкање нокти
Не само што станува збор за грда навика, лицата кои тоа го прават делуваат неурамнотежено и нервозно. Со грицкање на ноктите се оштетуваат забите и се иритира коичката околу ноктите, што може да доведе до појава на инфекции. Ставајќи ги прстите во уста се пренесуваат и бактерии, па поголема е шансата за појава на настинка и други болести. Ако ги гризете ноктите кога сте под стрес, почнете да се занимавате со некоја активност која ќе помогне за надминување на стресот и ќе го насочи вниманието на нешто друго. Доколку и тоа не помага, побарајте лекарски совет.
Малку спиење
Кога човек е уморен, тешко функционира, концентрацијата и фокусираноста на дневните обврски се многу слаби. Недоволниот сон носи и разни здравствени ризици, висок крвен притисок, срцеви болести, дијабатес и депресија. Воведете рутина во спиењето и не ја менувајте. Направете се да спиете помеѓу седум и осум часа секој ден.
Самотија
Не е важно колку луѓе познавате или колку често ги гледате, важно е да се чувствувате позвразно со останатите. Доколку често самувате, веројатно имате висок крвен притисок, патите од депресија, воспаленија или Алцхајмерова болест. Ако се чувствувате сами, придружете се на некој друштвен клуб, поврзете се со семејството, пријателите или започнете нешто ново во животот.
Забен конец
Не е доволно забите само да се четкаат, бидејќи за тие темелно да исчистат и да се отстранат наслагите (леплив и бактериски исполнет филм кој предизвикува кариес и крварење на непцата), треба темелно да се исчистат и со конец. Наталожениот забен плак може да доведе до болест на непцата, тешка состојба која е поврзана и со други здравствени проблеми, како мозочен удар, болести на срцето и дијабетес.
Пребрзо јадење
Во храната не може да се ужива, доколку таа се пребрзо се внесува во устата, што истовремено доведува и до прејадување. Доколку се забави со јадењето, многу побрзо се јавува чувството на ситост. Фокусирајте се во текот на оброкот на она што го јадете, посветете се на јадењето, подолго џвакајте и уживајте во секој залак.
