Колку повисоки температури – толку повисок ризик по здравјето. Докторката Сара Џарвис дава неколку совети како правилно да се заштитите од сонцето.
Во ризичната група спаѓаат деца под 4-годишна возраст и лица постари од 75 години. Во оваа категорија влегуваат и лицата со хронични заболувања и бремените жени.
„Често се среќавам со луѓе кои добиле изгореници на одмор, бидејќи размислувале дека имаат само две недели да „фатат“ боја. Затоа луѓето се изложуваат на сонце кога е најтопло, но забораваат дека изгорениците нема да се појават уште неколку часа по изложеноста на сонце, па не ни сфаќаат дека на сонце поминале премногу време се додека не стане предоцна“, предупредува д-р Џарвис.
Важно е да се запомни дека заболувањата на кожата како што е меланомот (малиген тумор на пигментни клетки на кожата), не зависи од тоа колку пати сте се изложувале на сонце во текот на животот, туку од тоа колку често сте имале изгореници и колку биле интензивни.
„Само еден од десет типови на рак на кожата е меланом, но деведесет проценти на смртни случаи од рак на кожата се поради оваа болест”, открила д-р Џарвис.
„Кај помалите деца треба да се внимава не само да не бидат директно изложени на сончева светлина, туку и да се внимава на нејзината рефлексија која може да предизвика изгореници. Ако, на пример, се наоѓаат под чадор за сонце во непосредна близина на водата, светлината се одбива од површината и повторно завршува на кожата. Значи, вие сте во опасност дури и ако не сте директно изложени на сонце.
„Важно е да се пијат што повече течности, кафе и чај се, секако, дозволени, но во умерени количини“, додала докторката.
