Ве мачат масни наслаги во пределот на рацете, стомакот, задникот и логично е да се мисли дека вежбите за конкретни мускулни групи ќе помогнат да го загубиме вишокот во овие делови од телото, но дилемата е дали е тоа доволно?! Истражувања покажале дека во реалноста таквото слабеење баш и не е возможно.
Имено, една студија покажала дека и после 6-неделно интензивно вежбање на стомачните мускули не дошло до намалување на обемот на половината на испитаниците. Според резултатите на друга студија, пак, 12 недели вежби за рацете не довеле до губење на масните наслаги, но тоа придонело за подобар изглед на рацете со помалку опуштена кожа.
Иако целните вежби не доведуваат до губење на масните наслаги на конкретни делови од телото, аеробниот тренинг и тренингот на силата можат да помогнат во оваа намера. Некои масни наслаги (на стомакот и рацете) се повеќе метаболичи активни отколку други и подобро ќе реагираат на вклучувањето на физичките тренинзи во редовната рутина и промените на режимот на исхраната. Од друга страна, вишокот на колковите, задикот и бутовите не е метаболички активен и тие наслаги не е лесно да се намалат.
Значи, како можеме да ослабеме во пределот на стомакот? Едно истражување ја споредило ефикасноста на тренингот на силата и аеробниот тренинг кога е во прашање намалувањето на мастите во различни делови од телото. Се покажало дека аеробниот тренинг (на пример, трчање, пливање, возење велосипед) доведува до поголем губиток на масти на ниво на целото тело, додека тренингот на сила е најефикасен токму за наслаги на стомакот. За најдобри резултати, стручњаците препорачуваат комбинација од овие два типа тренинзи во комбинација со здрава и урамнотежена исхрана.
