![koncert1](https://panacea.mk/wp-content/uploads/2018/04/koncert1-696x432.jpg)
Британска студија покажала дека слушањето музика во живо, односно на концерт, би можело значително да го намали стресот. Во истражувањето учествувале 117 возрасни испитаници кои присуствувале на концерт на американскиот композитор Ерик Витакер. За да утврдат како слушањето класична музика во живо влијае на нивоата на хормоните кои се поврзуваат со стресот и активација на имуниот систем, научниците земале примероци плунка од испитаниците непосредно пред почетокот на концертот и 60 минути после почетокот.
![](https://panacea.mk/wp-content/uploads/2018/04/Erik.jpeg)
Се покажало дека за време на концертот дошло до намалување на нивоата на глукокортикоидите и значително намалување на нивоата на кортизол, кортизон и односот на кортизол и кортизон, што значи дека навистина дошло до намалување на биолошкиот стрес. Исто така, е забележана промена во нивото на прогестерон, полов хормон кој, исто така, во голема мера учествува во реакцијата на стрес.
Научниците забележале дека ова било универзална реакција кај сите учесници и дека не зависела од годините, полот, ниту музичкото искуство.