Нова студија открива дека точноста на ПЦР тестовите на коронавирусот следи дневен примерок. Најголем број точни позитивни резултати се јавуваат кај тестовите правени во средина на пладнето, додека вечерните тестови го зголемуваат бројот на лажно позитивни резултати. Студијата исто така сугерира дека пладнето е период во денот во кој и симптоматските и асимптоматските лица најверојатно ќе го пренесат вирусот SARS-CoV-2 на други лица.
Имено, научниците од Универзитетот Вандербилт во Нешвил докажале дека е двојно поголема веројатноста за точен позитивен резултат ако тестот се направи во средина на денот, а не навечер. Вирусното оптоварување на поединецот станува пониско по 20 часот, а тоа значи дека е поверојатно да резултатот од тестот направен во тој период од денот ќе биде лажно позитивен.
Наголем број позитивни резултати имало зад пладне, околу 14 часот. Тоа укажува дека во овој период од денот е најактивно ослободувањето на заразените честички во крвта и слузта (т.н. вирусно прелевање).
РИЗИК ОД ШИРЕЊЕ НА ВИРУСОТ
“Причината поради која имплицираме прелевање е тоа што најголемата количина слободни вирусни честички во слузта би требало да се појави веднаш откако вирусните честички ќе избијат од клетките на домаќинот (т.е. се прелиени) и пред да се заразат новите клетки домаќини. За време на прелевање на лице со инфекција SARS-CoV-2, дури и ако е асимптоматско, најверојатно ќе го пренесе вирусот кога зборува, диши и јаде во близина на други лица“, вели д-р Карл Џонсон, водечкиот автор на студијата.
“Со оглед дека циркадијалниот часовник го регулира имуниот систем, имунитетот функционира подобро или полошо во различен период од денот. Тоа е веројатно причината зошто SARS-CoV-2 би можел нееднакво да се излачува во слузта. Земањето на тест на КОВИД-19 во оптимален период од денот, ја подобрува неговата чувстгвителност и ќе помогне во точно дијагностицирање кај лица кои може да се заразени, но се асимптоматски. Тоа исто така може да помогне да се оптимира времето на собирање на тестови, толкување на резултатите и советувања на пациентите. Воедно, познавањето на периодот на денот кога прелевањето е најактивно, може да помогне на персоналот во болниците и домовите за стари лица да овозможат распоред на посети на пациентите како би се намалил ризикот од ширење на вирусот“, се заклучува во истражувањето објавено во списанието Journal of Biological Rhythms.
