Веројатно, веќе ви е јасно дека после консумација на месо се потите повеќе, но дали знаете зошто е тоа така? Некои веруваат дека се работи за алергија на црвено месо, исто како што некои луѓе имаат алергија на школки, но тоа е многу ретко.
Според резултатите на истражувањата, телото користи околу 20 до 30 проценти повеќе енергија за да ги разгради протеините, што значи дека има силен термички ефект. Се разбира, колку повеќе протеини ќе изедете, толку повеќе енергија е потребна за нивно разградување.
Кога станува збор за варењето на храната, ситуацијата се разликува. Имено, протеините се посложени за разградба, па на организмот му треба повеќе енергија за да се сварат, додека јаглехидратите се разградуваат далеку побрзо
Од горенаведеното може да се заклучи дека прекумерното консумирање на црвено месо бара толку многу енергија што телото мора да се поти за да се разлади. Ако јадете тофу, ова сигурно нема да се случи, затоа што науката веќе потврдила дека на телото му е потребно повеќе енергија за да ги разгради протеините од животинско потекло.
Како да ја спречите оваа појава? Најлесен начин е да јадете помалку месо. Обидете се да ги распоредите оброците во текот на денот, бидејќи ако се потите поради прекумерна потрошувачка на енергија во разградувањето на протеините – помалку храна ќе бара и помалку енергија.
Во секој случај, оваа појава не е нешто за кое треба да се вознемирувате. Разговарајте со вашиот лекар единствено ако покрај потењето забележите и други симптоми кои би можеле да бидат поврзани со други состојби.
