Што јадеше и на каква диета беше принцот Хари е прашање со кое многумина се занимаваат после кралската свадба на која можеше да се забележи неговата истенчена фигура.
Имено, принцот решил да ги следи советите на својата сега веќе сопруга Меган Маркл, и да поработи на вишокот килограми за што го сменил начинот на исхрана, а честопати посетувал и теретана.
Диетата на Хари всушност била здравата исхрана, која подразбира свежа, необработувана храна, како овошје, зеленчук и житарки со цели зрна, кои не содржат дополнителни шеќери, сол и масло
Принцот се откажал и од преработената храна и јаглехидратите, а го зголемил внесот на кељ, киноа и смутија од овошје и зеленчук, што всушност претставувало драстична промена на неговите навики во исхраната.
Според „Дејли мејл“, Хари ја следел својата сопруга во т.н. „чисто јадење“.
„Меган комплетно ја промени исхраната на Хари“, изјавил анонимен извор. „Го купија најдобриот соковник на пазарот и таа постојано подготвува смутија од овошје и зеленчук за обајцата. Меган, исто така, му го „забрани“ и месото на Хари“, додал изворот.
Меган Маркл, која се обидува да јаде само веганска храна и пие алкохол минимално, покрај месото му ја „сокрила“ и сета преработената храна на Хари, воведувајќи му здрави, органски алтернативи, со негов благослов, секако. Тој престанал и да пие, а се откажал и од пушењето.
Каква промена за Хари, кој пред да ја запознае Меган водел типичен ергенски живот. Принцот обожавал бургери, често посетувал и пицерии и носел кутии од Мекдоналдс. Исто така, обожавал и да пие пиво.
