Многу луѓе додека седат се искривуваат, но сега е докажано дека виткањето на ’рбетот и ставањето на телото во оваа положба и не е ништо поштетно од седењето во исправена положба. Науката досега заговараше седење со рамен (исправен) грб, а и многу фитнес дисциплини стојат зад овој тренд, особено јогата. Меѓутоа се покажало дека луѓето кои работат во оваа положба се многу помалку продуктивни отколку кога на работа седат опуштено. Исто така, помалку стрес ќе имате доколку кога ќе дојдете од работа прилегнете на креветот и се одморите опуштено покрај телевизорот. Факт е дека ваквиот став може да доведе до болка во вратот и лумбалниот дел на ’рбетот, но и тоа може да се избегне така што во досега неправилна положба нема да останете долго и така што редовно ќе правите вежби кои ќе ги зајакнуваат грбните и вратните мускули.
Би требало да знаете и дека неколку истражувања кои се обавени минатата година покажуваат дека во искривената положба на ’рбетот меѓу некои од пршлените се создава повеќе течност, со што на природен начин се намалува вкочанетоста на зглобовите.
Физиотерапевтите од универзитетската „North Tees“ спровеле свое истражување и докажале дека мошне е важно да се менува положбата на телото од исправена и вкочанета кон опуштена и закривена затоа што тогаш сите елементи на здравјето се покриени.
„Ова е културен феномен и постои цел тренд дека кривото седење не е добро за нашето здравје, вели остеопатот Гејвин Смир и додава дека додека седиме исправено ние ги активираме мускулите на стомакот, карлицата и грбот, а повременото опуштањето на овие мускули е мошне корисно.
Седењето со рамни стапала на подот и со здрвени нозе може да доведе до напнатост што, секако, не е добро за здравјето, освен за’рбетот е лошо и за процесот на дишење. Доколку сакате да седите искривено и навалено, тогаш единствен совет е одвреме-навреме да станете и да прошетате со исправени грб и глава.
