Сопствениците кои не ги штедат своите емоции кон милениците и сакаат со нив да разменуваат нежности, треба т.е. мора да имаат на ум дека блискоста со мачките и кучињата може многу да ги чини, па дури и да им ги загрози животите.
Бакнувањето и галењето со нив може да доведе до пренесување бактерија која е отпорна на лекови, и тоа преку плунката. Бактеријата станува отпорна кога луѓето или животните земаат неконтролирани дози антибиотици или ги земаат, би се рекло, на своја рака и на секое без некоја сериозна потреба.
Бактериите кои така ги напаѓаат животните можат со текот на времето да развијат отпорност и да се пренесат од луѓето на животните со кои разменуваат нежности. Со оглед на тоа дека ваквото однесување (разменувањето нежност) е длабоко всадено во свеста на луѓето и животните, образецот на ваквото однесување тешко се менува.
Научниците заради тоа понудиле некои совети како да се намали ризикот, а еден од нив е милениците да не ги бакнувате во уста. Врз основа на направено истражување во кое се набљудувани 35 сопственици на домашни миленици, а секој од нивните миленици е третиран со антибиотици, заклучено е дека блискиот контакт може да ги доведе и децата и возрасните, но и самите миленици во ризик од пренесување бактерии отпорни на антибиотици, и тоа преку плунката. Заради ова стручњаците советуваат дури и покривање на отворените рани за да не се пренесат бактерии и од кожата. Уште еден совет е малата промена во однесувањето, а тоа подразбира директни бакнежи, односно да не им дозволувате да ве лижат и да ги миете рацете веднаш после галењето. Сериозно треба да размислите и за тоа дали вам како сопственици, на животните или децата ви се потребни антибиотици и во колкава мера.
Совет: Не треба да престанете да покажувате емоции кон милениците, само сменете го начинот на кој тоа го правите!
