Да не се фрла лушпата од кромидот, е советот од нутриционистите кои посочуваат дека во него има неколку ефикасни антиоксиданси кои му даваат лековити својства. Во лушпата од кромидот има голема количина и влакна и флавоноиди. Кромидот е многу корисен зеленчук кој содржи витамини А,Ц и Е, кои се сретнуваат и во лушпата и влијаат на заштита на клетките на кожата. Но, кога зборуваме за антиоксиданси, тогаш лушпата е многу побогата отколку кромидот. Таа исто така содржи моќен пигмент, кверцетин, кој го намалува крвниот притисок и ја спречува опструкцијата на артериите. Кверцетинот е моќен антоиксиданс, флавоноид. Тој исто така е и седатив, па затоа е најдобро чајот од лушпи да се пие пред спиење.
Конзумирањето лушпи од кромид значително го намалува ризикот од:
- Кардиоваскуларни болести
- Рак на дебело црево
- Дебелина
- Дијабетес тип 2
- Гастроентеролошки проблеми
Лушпата од кромид има антиканцерогени, антигабични, антибактериски и антиоксидантни својства. Најдобро е да се консумира како чај, бидејќи е одличен за детоксикација на телото.
Подготовка на чај од лушпи од кромид
Во стаклена текла се ставаат лушпите, се прелеваат со топла вода и се оставаат 15 минути да отстојат. Се цеди чајот и се пие секој ден пред спиење.
