Веројатно за здравјето на црниот дроб не размислувате секој ден, но во прашање е орган кој напорно работи, а меѓу другото и ја филтрира крвта и ги разградува штетните материи. Исто така, ако здрвјето на овој орган е нарушено, било да се работи за болест или повреда, може да дојде до домино ефект кога ќе страда и остатокот од телото. Сепак, мал број луѓе се свесни кои се симптоми на болести на црниот дроб може да се појават, а важно е да се запомнат. Ова е листа на четири симптоми кои може да откријат дека нешто не е во ред со вашиот црн дроб.
ОТОЦИ
Цирозата на црн дроб се јавува кога органот е оштетен поради напредната болест, претеран внес на алкохол или нешто друго. Иако цирозата се поврзува со напредната фаза на оштетување на црниот дроб и може да биде исклучително опасна во тој момент, понекогаш може да не даде никакви симптоми. Сепак, еден од можните симптоми на цироза на црниот дроб е отекување на нозете, стапалата и зглобовите, наведуваат експерите од Мајо клиниката. Светската здравствена организација појаснува дека до тоа доаѓа поради зголемен притисок на вена порта, што може да предизвика собирање на течности во нозете и во абдоменот. Дополнителни симптоми што може да се забележат се губење на апетит и телесна тежина, мачнина или појава на модринки.
ГРЧЕВИ ВО МУСКУЛИТЕ
Додека грчевите не се типичен симптом на цироза на црниот дроб, најновите истражувања велат дека би можело да постои поврзаност помеѓу грчевите и оваа состојба. Резултати од студија објавена во медицински магазин во САД открива дека 101 од 150 испитаници со цироза го доживеал овој симптом. Истражувањето истакнува дека грчевите во мускулите се поврзани со намалениот квалитет на живот на лицата кои имаат цироза. Иако истражувањето не покажало зошто доаѓа до грчење кај пациентите со цироза, научниците сметаат дека е во прашање дисбаланс на електролитите, ендокриниот систем…
БОЛКИ ВО ЗГЛОБОВИТЕ
Болката во зглобовите може да биде предизвикана од разни состојби, но лекарите велат дека може да биде и резултат на вирусен хепатитис, форма на воспаление на црниот дроб кое може да се појави како форма на акутна инфекција или хронична состојба. Доколку вирусниот хепатитис е причината за болките во зглобовите, може да се забележат и симптоми слични на грип, како замор, мачнини, повраќање, болки во стомакот, намален апетит. Некои лица пријавуваат и темна урина, посветла столица – се наведува на страната на Центарот за контрола и превенција на болест (ЦДЦ).
ДАМКИ НА НОЗЕТЕ И НА РАЦЕТЕ
Стручњаците наведуваат дека одредени промени на површината на кожата често може да се појават кај заболувања на црниот дроб.
“Доколку вториот по големина орган во телото не работи правилно, а тоа е црниот дроб, промените често ќе се забележат на кожата и може да бидат првиот сигнал за заболување“, објаснуваат лекарите од Клиниката Кливленд. Важно е, велат експертите, навреме да се препознае заболувањето на црниот дроб. Дамките може да се појават на рацете, нозете и дланките, а може да бидат во бела боја. Најдобар начин да проверите дали се работи за друга состојба на кожата или појавата на бели дамки е поврзана со болест на црниот дроб, е тој да пристинете на местото и да видите дали тие ќе исчезнат. Задолжително пријавете ги сите промени кај вашиот лекар бидејќи, како и со сите здравствени проблеми, полесно и поуспешно се лекуваат доколку се препознаат навреме.
