Рак на дојка, бели дробови, дебело црево, ректум, како и на простата се најчестите карциноми во светот, според Светската здравствена организација (СЗО). Овие видови рак заедно се водечка причина за смрт во светот – речиси 10 милиони смртни случаи во 2020 година.
Ракот на простата е чест тип на рак кој главно се развива кај мажи постари од 50 години, а ризикот се зголемува како што старее лицето.
Понекогаш симптомите не се појавуваат
Потребно е време за развој и ширење на ракот, па може да потрае и неколку години. Повеќето мажи со ран рак на простата не чувствуваат симптоми. Како што туморот расте и напредува, така се појавуваат симптоми.
Некои од раниите симптоми кои упатуваат на рак на простатата се:
- Зачестено мокрење
- Слаб проток при мокрење
- Изненадна потреба за уринирање
- Чувство како да меурот никогаш не е полн
Болки во различни делови од телото
Во зависност од тоа колку болеста е напредната, лицето може да почувствува необични знаци во телото. Експертите велат дека може да се развие тапа болка во грбот, колковите и карлицата.
“Ако ракот се проширил низ телото, на пример на коските во колковите и карлицата, може да предизвика тапа болка или остро прободување“, наведуваат лекарите.
Кои се ризични групи?
Некои од ризик факторите вклучуваат:
- Возраст од 50 и повеќе години
- Семејна историја на рак на простата
- Обезност
Ако имате какви било уринарни симптоми, најдобро е да посетите уролог и да направите испитувања. Во зависност од симптомите, вашиот лекар може да ве советува да направите PSA тест, кој помага во откривање на високи нивоа на протеини во крвта што укажува на рак.
