На страницата „Beauticate“, специјализирана за нега, се појавил текст во кој се вели дека треба да престанеме да го бришеме лицето после миењето затоа што тоа правelo проблем со хидратацијата.
„Дали знаете дека со задржувањето на влагата на кожата можете да ја зголемите ефикасноста на секој производ кој го користите по чистењето на лицето?“ се вели во написот.
Уште пишува и дека дури и полошо од ова се бактериите кои се наоѓаат на пешкирот, а кои можат да предизвикаат појава на воспаленија и мозолчиња. Во продолжението се фрла сомнеж и врз чистотата на пешкирот. Се вели, се подразбира дека вашиот пешкир е чист, но нема поента да го користите ако го делите купатилото со некого.
Австралискиот стручњак за убавина Џокелин Петрони, пак, заклучила дека кожата останува влажна кусо време после миењето, па затоа веднаш по впивањето на водата би требало да го нанесете својот омилен производ на лицето.
„Состојките за нега на кожата ќе се впијат во кожата и подобро ќе ја обават работата ако вашата кожа е влажна. Тогаш секој препарат подобро ќе се впие и ќе забележите видливи резулти на кожата“, истакнала Петрони.
