Ризик од срцев и мозочен удар
Неколку студии ја откриле врската меѓу болеста на забите и срцевите болести, но и порастот на ризик од мозочен удар, тврди д-р Мазен Натур. Тоа е затоа што бактериите кои го предизвикуваат воспалението, крвавењето и уништувањето на ткивото околу забите можат да патуваат низ крвотокот до артериите. Освен што доспеваат во артериите, бактериите можат да предизвикаат и згрутчувања во срцето.
Ризик од рак
Националниот институт за здравје истакнува дека воспаленијата долго се поврзуваат со развој на канцери и тумори колку подолго ткивото е под инфекција. Дотолку повеќе една студија покажала дека 13 отсто од мажите со воспалителни процеси подоцна добиле некој вид на рак – најмногу на белите дробови, мочниот меур, бубрезите и црниот дроб, особено доколку биле пушачи.
Ризик од еректилна дисфункција
Научниците ја откриле врската меѓу системските воспаленија, поточно патувачките бактерии во вашата уста и зголемениот ризик од еректилна дисфункција. Всушност резултатите од едно истражување направено на Тајван покажуваат дека мажите со еректилна дисфункција имале 79 отсто поголеми шанси да развијат импотенција. Хроничните воспаленија на забите отпуштаат бактерии во крвотокот кои патуваат до полниот орган.
Проблеми со простата
Ензимот во простатата ПСА кој се наоѓа во мали дози е сосема нормален, но кога простатата е инфицирана расте и нивото на ПСА. Зголеменото ниво на ПСА може да биде предизвикано и од воспалителни процеси во устата. Значи, бактериите кои патуваат во простатата можат да предизвикаат иритации, тешки ејакулации и болки при мокрењето.
Како да се поправи состојбата на забите?
Дури 56 насто од мажите имаат болести на забите во однос на 36 проценти од жените, најверојатно затоа што поретко одат кај својот стоматолог. Стоматолозите советуваат дека дури и во случај на здрави заби треба да одите на редовни контроли.
