Дури и ако претходната вечер обилно сте јаделе, не го прескокнувајте појадокот. Тоа не претставува мудар чекор затоа што токму денот после, на пример, славење при што сте се прејале, би требало да го почнете со здрав појадок кој содржи порција овошје (во вид на свежо овошје, сок или компот), зелен чај или кафе, леб или каша од интегрални житaрки, свежо сирење или јогурт. Доколку не јадете млечни производи добра опција е и јогурт од соја.
Што ќе се случи ако го прескокнете појадокот?
Ако го прескокнете појадокот поголеми се шансите во текот на денот да јадете повеќе отколку што ви е неопходно, па меѓу оброците ќе имате потреба за грицки или слатко, што само накратко ќе ви ја врати енергијата и ќе ви го ублажи гладот.
