Воспалението на мочниот меур или познато како инфекција на долниот уринарен тракт може да ги погоди двата пола, но сепак жените се посклони на овој здравствен проблем, кој знае и тоа како да биде упорен. Жените имаа пократок мочен канал, поради што бактериите полесно и побрзо допираат до меурот. Нивниот мочен канал е истовремено поблиску сместен до анусот, што значи дека бактериите имаат пократок пат да стигнат до меурот.
Во поголемиот број случаеви, воспалението на мочниот меур се појавува одеднаш и трае кратко (акутно воспаление), но понекогаш може да се задржи подолго време (хронично воспаление).
Раниот третман на воспалението е клучен за превенција од ширење на инфекцијата. Во нормални околности, бактеријата која го предизвикува воспалението со мокрење ќе се отстрани од телото. Во некои случаеви, бактеријата може да се процврсти за ѕидот на мочниот меур и брзо да се размножи. Тоа ја оневозможува способноста на телото да ги уништи, што резултира со воспаление на меурот.
Симптомите за воспалението на мочниот меур варираат во зависност од тоа колку е сериозна инфекцијата. Во секој случај, веднаш се забележливи промени во текот на мокрењето, а како воспалението напредува, се појавува и болка.
- Матна урина или урина во која се видливи траги од крв
- Уринирате почесто од вообичаеното
- Урината има непријатен мирис
- Болка или чувство на печење во текот на мокрењето
- Постојано чувство на притисок во мочниот меур и потреба за одење во тоалет
- Грчеви или притисок во долниот дел на стомакот или во долниот дел на грбот
- Висока температура со силни болки во пределот на бубрезите
Воспалението на мочниот меур може да се прошири и на бубрезите. Во тој случај, ќе имате висока телесна температура со силни болки во делот на бубрезите, кои ќе реагираат дури и на мал удар.
