Една од работите во кои децата уживаат е чепкањето на носот, а некои од нив, исто така, и ја дегустираат извадената содржина. Иако возрасните се ужаснуваат од ова однесување на децата, сепак, експертите велат дека децата имаат корист од навиката.
Секој од нас секојдневно внесува одредена количина од содржината на носот преку синусните шуплини, а децата го прават истото само на поинаков начин, истакнуваат научниците.
Повеќе од 80 проценти од оваа слуз се состои од вода, соли и антитела, а нејзината примарна улога е задржување на нечистотијата од воздухот, прашината и микроорганизмите
Иако оваа слуз содржи патогени бактерии, човечкиот стомак со нив излегува сосема добро на крај, велат докторите. Покрај тоа, ова е еден од начините за зајакнување на имунитетот.
„Нашите тела се изградени така што со леснотија може да ја сварат слузта, со оглед на тоа дека постојано ја внесуваме несвесно“, објаснува оториноларингологот Скот Рикерт од Њујорк.
Најлошото нешто што може да се случи е крварење од носот поради интензивното „копање“.
