Слепото црево се смета за „непотребно“, бидејќи како што велат лекарите, во денешно време тоа нема никаква функција во разградувањето и елиминацијата на остатокот од преработената храна. Сепак, слепото црево е во организмот и понекогаш знае да биде многу проблематично. Кои се симптомите на воспаление на слепо црево (апендицитис)?
Болки во долниот десен дел од стомакот
Воспалението на слепото црево започнува со ненадејна, силна болка во стомакот, која бара брза дијагноза и третман. Симптомите на акутно воспаление на слепо црево може да бидат болки во долниот десен дел на абдоменот, од десната страна на папокот, заедно со чувство на гадење, повраќање, зачестено мокрење, а понекогаш и дијареја или запек. Болката е обично упорна и не поминува со промена на положбата на телото, повраќање или дијареја.
Болки на други места
Болката може да се проектира и на други места во пределот на стомакот, па некои пациенти имаат болка од левата страна на папокот, во долниот дел на грбот или над срамната коска. Само некои од горенаведените симптоми можат да бидат присутни, а тие се разликуваат во зависност од пациентот.
Воспалението може да се случи во која било доба
Акутното воспаление на слепото црево може да се појави на која било возраст, иако најчесто се јавува на возраст меѓу 10 и 30 години. Статистички гледано, тоа е нешто почесто кај мажите.
