Според студија изработена во 2017 година, луѓето кои често јадат брза храна имаат 51 процент повисоки шанси да развијат некаква форма на депресија, за разлика од оние кои не јадат хамбургери, хот дог или пици.
Брзата храна содржи големи количини натриум кој може да го наруши нервниот систем, што се поврзува со депресијата, а исто така може негативно да влијае и на имунолошкиот систем и да предизвика замор. Премногу натриум, исто така, може да предизвика задржување на водата во телото и надуеност.
Ако сакате успешно да ги избегнувате симтомите на депресијата треба што почесто да избегнувате јадење пржена храна, бидејќи секоја храна што се готви на масло содржи транс масти. Исто така, треба да се биде внимателен со заситените масти, кои може да се најдат во храната со животинско потекло, полномасните млечни производи или путерот … Овие намирници ги запушуваат артериите и можат да го спречат протокот на крв во мозокот.
Рафинираниот шеќер е еден од најголемите непријатели на здравјето. Го пореметува нивото на гликоза во крвта, ви ја црпи енергијата, предизвикува променливо расположение и го нарушува сонот.
Белиот ориз, тестенините и белите пецива се поврзани со воспалителни процеси во телото и може да бидат поврзани со појава на депресијата, како што е потврдува студијата објавена во Brain, Behavior and Immunity.
Студијата беше спроведена на 40.000 жени, но лекарите веруваат дека оваа храна го има истото влијание и врз мажите. Истражувањата покажаа дека жените кои консумираат рафинирани житарки имаат поголеми шанси да страдаат од депресија, за разлика од оние кои не ја консумираат оваа храна.
