Вечерата е оброк кој најчесто се прескокнува, па се оди в кревет со чувство на глад… Во такви ситуации многумина сфаќаат дека не можат да заспијат, па стануваат и одат до фрижидерот, што е нов проблем, а повеќето сепак успеваат да заспијат.
Прашањето е колку е ова здраво и кои се последиците? Стручњаците тврдат дека тоа не е некој голем проблем ако се случува одвреме-навреме, но ако ви премине во навика проблемите се на видик.
Во тој случај ова би можело да влијае на нивото на инсулин, холестерол и работата на штитната жлезда, а тоа може да доведе до дисбаланс на хормоните кои тогаш може да предизвикаат бројни други проблеми.
Чувството на глад пред спиење ќе предизвика несоница. Мозокот ќе добие информација дека сте гладни и нема да ви дозволи цврсто да заспиете. Гладувањето во вечерните часови нема да ви помогне ни со слабеењето.
Телото ќе акумулира маснотии за да „зачува“ енергија. Неретко личностите кои не јадат навечер го прескокнуваат и појадокот. Таквите личности почесто ќе бидат лошо располжени. Се на се – каква и да е вечерата, не ја прескокнувајте.
