Многумина одат во кревет гладни без притоа да знаат дека оваа навика е штетна за здравјето. Ако ви се случува одвреме-навреме да си легнувате гладни нема да се случи ништо посебно, но ако ви прејде во навика… Во тој случај би можело да се наруши нивото на инсулин, холестерол, но и работата на тироидната жлезда, што може да доведе до хормонален дисбаланс. Чувството на глад пред спиење може да предизвика и несоница, односно мозокот ќе добие информација дека сте гладни и нема да ви дозволи цврсто да заспиете.
Гладувањето во вечерните часови нема да ви помогне ни кај слабеењето. Телото ќе ги акумулира маснотиите за да ја „зачува“ енергијата. Неретко луѓето кои не јадат навечер го прескокнуваат појадокот, а таквите личности почесто и се лошо расположени.
