Доколку сакате да бидете активни, не е неопходно да се запишете во фитнес центри. Поддршката на општото здравје преку вежбање е полесно отколку што мислите, а не мора да ве чини многу.
Секој човек треба секојдневно да има физичка активност со умерен интензитет најмалку 30 минути, најмалку пет дена во неделата. Децата, пак, можат да умерено да спротуваат и по еден час, секој ден. Придобивките ќе се почувствуваат уште во првиот месец. Ова ниво на активности е доволно за да се намали ризикот од хронични болести како коронарни срцеви заболувања, мозочни удари или дијабетес тип 2.
Многу луѓе не сакаат да посетуваат фитнес-центри, но добра вест е што и за нив постојат различни видови на активности со кои можат да се занимаваат, а за кои не им е потребна ниту помош од тренери, ниту пак специјализирана опрема. Особено ако се почетници или не се во добра физичка форма.
Она што советуваат експертите е секогаш кога треба да одлучите што да вежбате, запрашајте се во што најмногу уживате и која активност ќе можете лесно да ја го вклучите во вашиот животен стил.
Одење
Секој човек секојдневно пропешачува одредена дистанца. Можете едноставно постепено да го зголемувате тоа растојание, а за да биде делотворно треба да биде и поинтензивно.
Одењето го стимулира кардиоваскуларниот систем, срцето, белите дробови и циркулацијата. Ја подобрува издржливоста на долните екстремитети и колковите. Човек согорува 400 калории ако направи 10.000 чекори во еден ден.
Трчање
За трчањето ви треба поголема кондиција затоа што е понапорно отколку одењете. Тоа е подобро за здравјето, но има поголеми шанси да се повредите. Ако можете издржите брзо одење дваесет минути во континуитет, тогаш може да почнете со лесно трчање. Определете темпо што ви одговара. На тој начин го стимулирате кардиоваскуларниот систем и ја зголемувате издржливоста на нозете.
Возење велосипед
Секому му се случува да користи автомобил за некои релации кои лесно може да се поминат со велосипед. Треба само малку волја и секако, да имате велосипед. Возењето е аеробна вежба која го активира кардиоваскуларниот систем и нозете. Иако се смета за лесна активност, сепак, треба да се започне со пократки релации и постепено да се зголемува интензитетот.
Пливање
Пливањето е вежба која го зазема третото место по популарност, веднаш по одењето и џогирањето. Со пливање го вежбате целото тело и е одличен начин за стекнување на кондиција и цврстина на телото. Пливањето ги вклучува повеќето мускулни групи, а може да помогне и да изгубите некој килограм ако пливате со одредено темпо без прекин на секој тренинг. За полесни и позабавни тренинзи може да се запишете и на аква аеробик.
Танцување
Танцот е сè попопуларна активност кај луѓето од сите возрасни групи. Тоа е забавна општествена активност која содржи креативни елементи и привлекува многу луѓе, па е добра не само за физичкото, туку и за менталното здравје.
Танцот е аеробна активност, која ја подобрува рамнотежата и координираното движење.
Бадминтон
Многу интересен спорт, што кај нас не се практикува масовно. Топчето за бадминтон се движи полека, што е доволно да не ви треба голема вештина или физичка кондиција за да ја играте. Бадминтонот е аеробна активност која ги активира мускулите на рацете и нозете. Ја подобрува рамнотежата, координацијата на движењето, јачината на телото, силата и рефлексијата.
