Податоците од списанието American Medical Association од февруари 2022 година упатуваат на тоа дека во текот на изминатите 20 години, употребата на додатоци на мелатонин за здрав сон е зголемена за 478%. Ако сте се свртеле кон овој хормон за спиење во форма на таблети, знаете дека кога додатокот на мелатонин ја врши својата работа правилно, тој навистина помага. Но, ако сте откриле дека тоа не е секогаш така, една сосема нова студија можеби нашла посигурно – и уште поприродно – решение.
На почетокот на овој месец, шведските истражувачи го споделија своето откритие дека уште едно сè попопуларно средство за спиење е исклучително ефикасно во стимулирањето на ослободувањето на мелатонин во телото.
Во студијата од октомври 2022 година – објавена во Journal of Sleep Research – 26 мажи и жени биле замолени да спијат една ноќ со затегнато ќебе, а потоа една ноќ без. По мерењето на нивоата на три хормони во плунката на учесниците (мелатонин, окситоцин и кортизол), студијата заклучила дека нивото на мелатонин се зголемило за импресивни 32% кога учесниците спиеле со затегнато ќебе.
Зошто додатокот на мелатонин не е секогаш најдоброто решение
Мелатонин е хормон кој се ослободува од мозокот кога е изложен на темнина, помагајќи да го регулирате вашиот циркадијален или деноноќен ритам за да ви помогне полесно да заспиете, но постојат фактори кои влијаат на производството на мелатонин. На пример, една германска студија од 2012 година објавена во Scientific World Journal истакнала дека лачењето на мелатонин се намалува со возраста, како и кај многу поединци кои имаат болести како што се деменција, дијабетес тип 2 и некои видови на рак.
Експертите исто така истакнуваат дека начинот на живот може да влијае на производството на мелатонин во телото. Навиките како што се користење на лични технички производи и јадење премногу блиску до времето за спиење, исто така може да му отежнат на телото да произведува мелатонин.
Понатаму, науката која стои зад ефективноста на мелатонин сè уште е предмет на дебата. Додатоците на мелатонин се произведуваат синтетички. Покрај тоа, според насоките на Американската академија за медицина на спиење — нема доволно докази кои би докажеле дека земањето мелатонин може да помогне при хронична несоница.
Некои лекари велат дека вашите рецептори за мелатонин може да се десензибилизираат со доследна употреба на мелатонин, а истражувањата покажуваат дека тој дури може да предизвика депресија.
Освен тоа, според Фондацијата за спиење, некои додатоци на мелатонин содржат помалку мелатонин или дури и повеќе (до 500%) отколку што е наведено на етикетата. Земањето премногу мелатонин може да резултира со несакани нуспојави, како што се главоболка, промени во крвниот притисок, поспаност или повраќање или други загрижувачки ефекти.
Како природно да го зголемите мелатонин
Ќебињата со тегови се познати по симулирање на длабок притисок, според Фондацијата за спиење. Ова значи дека контролираниот притисок на тежината може да помогне да се смири нервниот систем, да се намали вознемиреноста и да се подобри квалитетот на сонот. Како што тврди оваа студија: ќебињата со тежина/тегови дури можат да ви помогнат да заспиете побрзо кога се чувствувате немирни ноќе.
Фондацијата за спиење нуди дополнително објаснување зошто ваквото ќебе може да го поддржи сонот толку убаво: “Се вели дека овие ќебиња делуваат на ист начин како што тесното повивање им помага на новороденчињата да се чувствуваат удобно и пријатно“.
