Ширум светот има се повеќе луѓе кои сакаат да се завртат кон природните производи, па така и популарност стекнале домашните креми за заштита од сонце. Меѓутоа стручњаците предупредуваат дека тоа се всушност „рецепти за изгореници“ и дека најчесто немаат доволно заштита од УВ зрачењето. Попрецизно, истакнуваат дека домашните креми кои содржат есенцијални масла, ши путер и кокосово масло имаат заштитен фактот СПФ меѓу еден и седум! Јасно е дека тоа не е ни приближно доволно за заштита на кожата од зрачење.
„Интернетот е одличен затоа што можете да најдете инспирација за уметност или разни „направи сам“ проекти, но тоа не значи дека сите тие работи се безбедни. Домашните креми за сончање се ризични затоа што не поминале тестови за ефикасност низ кои поминале кремите кои се продаваат на пазарот. Кога кремата ја правите сами не знаете ниту дали е безбедна ниту дали е ефикасна“, предупредува Лара Мекенски, која го водела истражувањето.
Анализирајќи ги рецептите за креми кои може да се најдат на интернет, научниците утврдиле дека 95 отсто се неефикасни, иако во рецептите се тврди дека имаат заштита до СПФ 50. Меѓутоа кокосовото масло, кое е најчеста состојка на овие креми, има СПФ меѓу 1 и 7, предупредуваат. Исто така, есенцијалните масла кои се честа состојка, немаат способност за блокирање на УВ зраците како што имаат купечките креми за таа намена. Заштитните креми штитат од изгореници кои го зголемуваат ризикот од рак на кожа, заради што е препорачливо да се користат водоотпорни креми кои штитат од УВА и УБВ зрачење и имаат СПФ од најмалку 30.
