Болни, чувствителни ранички во устата – афти – обично не се знак за некое сериозно заболување и исчезнуваат за 10 дена. Меѓутоа, ако тие не се повлекуваат, а притоа се проследени и со други симптоми, може да бидат знак за недостаток на витамин Б12.
Знаци на кои треба да се обрне внимание се бледожолта боја на кожата, болен и црвен јазик, како и пореметување на видот.
Витаминот Б12 најчесто недостасува како последица на пернициозна анемија, недостаток на црвени крвни зрнца поради што телото произведува абнормално големи крвни зрнца кои не функционираат правилно.
Оваа анемија најчесто се јавува околу 50. година од животот, а најважно е рано откривање и соодветна терапија.
Недостатокот на витамин Б12 може да доведе и до проблеми со срцето и белите дробови, како и до невролошки тегоби. Заради тоа, во исхрната треба да бидат застапени месото, јајцата, рибата, како и млечните производи.
.
