Без разлика дали се работи за внатрешна борба или неразбирање од страна на околината или партнерот, психотерапијата може да ни даде одговори и да нѐ научи како да ги видиме работите во вистинско светло. Психологот Петра Малешевиќ ни открива во кои ситуации да побараме стручна помош.
Причините за посета на терапевт може да бидат многу различни, но речиси секогаш тоа е надежта дека ќе ни олесни во справувањето со проблемите. Понекогаш, едноставно ги исцрпуваме сопствените начини на справување со маките или пак воопшто не знаеме како да ги решиме. Во такви моменти чувствуваме психолошки, а понекогаш и физички болки, што нѐ попречуваат во извршувањето на секојдневните обврски и другите активности. Барањето помош од експерти не е секогаш лесно, но е чекор кон решението.
Терапевтите препорачуваат секогаш кога ќе се најдете во некоја од овие седум ситуации задолжително да побарате стручна помош.
- Ве мачат промени на расположение, што траат долго или често се повторуваат. Ништо не ве прави среќни, ги занемарувате своите обврски
- Чувствувате конкретен или ирационален страв или неодредена анксиозност, и со сите се справувате така што ги игнорирате
- Често сте лути и не можете да го контролирате вашиот гнев.
- Тешко или невообичаено долго се опоравувате од некоја загуба
- Ви недостасува самопочит и самодоверба
- Чувствувате стрес и немате способност да се справите со него
- Живеете во нарушени семејни односи и брачни проблеми
