Ова предупредување, пред сè, се однесува на соковите од грејпфрут и портокал, доколку истовремено се пијат со лекови против алергии, како и против покачен крвен притисок, тврдат истражувачите од Универзитетот Вестер од Онтарио.
Стручњаците истакнуваат дека во ваква ситуација дејството на лекот може да се намали и тоа двојно, а за тоа, велат, е одговорна хемиската супстанца нарингин, која ја има и во сокот од јаболка. Се претпоставува дека токму нарингинот го блокира механизмот кој е клучен за премин на молекулите од лековите од тенкото црево во крвотокот.
