На туширањето во текот на летото се гледа како на совршено решение во борба против неподносливите горештини. Но она што треба да го знаете е дека како и во се останато и во туширањето треба да имате мерка. Следниве симптоми се показател дека нешто не е како што треба и дека претерувате.
- Чувствувате чешање по кожата;
- Се туширате после секоја активност, каква и да е;
- Кожата ви е екстремно сува;
- Ви се појавува црвенило.
Чешањето може да биде прилично непријатно, а се јавува како резултат на прекумерната употреба на препаратите за туширање кои ги испираат сите природни масла што ги лачи кожата. Едно е да се туширате наутро, навечер или после тренинг, но после и најмала активност значи претерување. Сувата кожа е резултат на козметиката која ја употребувате, додека црвенилото значи дека дефинитивно сте –претерале и сте го уништиле површинскиот слој на кожата, кој служи како природна заштита.
