Практикувањето здрава исхрана не може да го поништи негативниот ефект кој го има прекумерното внесување сол врз крвниот притисок, покажува новата британска студија. Затоа, според мислењето на научниците, производителите на храна треба да го намалат учеството на сол во нивните производи за да се намали бројот на лица со хипертензија.
Се проценува дека покачениот крвен притисок или хипертензија погодува повеќе од едно до четири возрасни лица во Велика Британија.
Хипертензијата е главен фактор на ризик за мозочен удар и срцеви заболувања
Резултатите од ова истражување ја потврдија врската помеѓу зголемениот крвен притисок и зголемено внесување на сол, дури и кај оние лица кои внесувале голема количина на калиум и други хранливи материи, пишува „Hypertension“.
