Новата научна студија за влијанието на исхраната врз здравјето на Институтот за метрика и евалуација на здравјето на универзитетот во Вашингтон (ИХМЕ) покажала дека исхраната полна со натриум е одговорна за 33 од 100 000 смртни случаи, пишува „Блумберг“.
Режимот на исхрана во кој се консумира многу црвено месо се покажал многу помалку штетен од што се мислело, со само два од 100 000 смртни случаи.
Натриумот претставува најголем ризик во исхраната од 15 различни режими вклучени во истражувањето.
„Иако натриумот, шеќерот и мастите се во фокусот на дебатата за исхраната во последните неколку години резултатите од истражувањето покажуваат дека главен фактор на ризик, кој резултира со смрт, е исхраната со висока содржина на натриум, ниско ниво на цели зрна, малку овошје, малку јаткасти плодови и семки и малку зеленчук“, вели доктор Ашкан Афшин, автор на студијата и асистент на ИХМЕ.
Во првите 10 прехранбени фактори кои предизвикуваат најголем број смртни случаи на глобално ниво, осум се поврзани со низок внес на здрава храна, а не со голем внес на нездрава храна, се наведува во истражувањето.
