Ново истражување на светски научници покажало нешто многу интересно за прераната смрт и како таа е поврзана со дебелината. Резултатите од истражувањето се објавени пред нешто повеќе од една недела во специјализираното списание Clinical Obesity.
Тие стигнале до заклучок дека има „метаболички здрав“ тип на дебелина, при што и покрај вишокот килограми, човек не е загрозен од предвремена смрт или здравствени проблеми поврзани со нив, како висок крвен притисок или дијабетес.
Резултатите од оваа студија би можеле да влијаат врз тоа како размислуваме за дебелината и здравјето, вели Џенифер Кук, вонреден професор на Факултетот за кинезиологија и здравствена наука, којa го предводеше истражувачкиот тим на Јорк Универзитетот.
Ова фрла нова светлина врз научните истражувања и отвора нова страница во методологијата на спроведувањето на истражувањата за дебелината и ризикот од таа состојба.
