Стручњаците сметаат дека отпорот против вакцината може да ја доведе популацијата во уште поголем ризик, потешка форма на болеста и многу повеќе заразени.
За да знаете што да му кажете на семејството и пријателите ако имаат дилема околу тоа дали треба да се вакцинираат или не, двајца стручњаци д-р Вилијам Шафнер, професор на одделот за инфекции при Универзитетот Вандербилт и д-р Рут Карон, стручњак за вакцини, даваат одговор на основните и најважни прашања поврзани со оваа тема.
АКО ВЕЛАТ: “Не знам што има во вакцината“
Може да кажете дека прашањето е логично, бидејќи листата на состојки содржи називи кои би можеле да ги сфатат само хемичарите. Главни состојки на одобрените вакцини се мРНА, кратенка од информативна молекула на рибионуклеинската киселина, која делува како генетски софтвер кој на клетките им кажува како да го нападнат протеинот (Peplomer), структура што вирусот ја користи за да ги нападне клетките.
- Масни липиди: Со оглед дека мРНА е многу чувствителна, обвиена е со масни липиди за да ја заштитат.
- Соли и шеќери: Солите во вакцините служат за да ја балансираат киселоста во телото, а шеќерот служи за наночестичките да останат во првобитна форма.
АКО ВЕЛАТ: “Вакцината пребрзо е направена и не може да им се верува“
Може да кажете: Вистина е дека се направени многу побрзо во споредба со слични лекови, но сите клинички истражувања ја потврдуваат нејзината ефикасност. Дел од нив се направени толку брзо оти ситуацијата бараше итно решение, со оглед дека пандемијата одзеде околу два милиони животи во светот. За да не се чекаат резултатите од клиничките тестирања, компаниите развија симултани лекови за да бидат подготвени за производство кога тие тестирања ќе се довршат. Сите вакцини имаат над 70 процентна ефективност. Истражувањата вклучуваа десетици илјади испитаници, а нивните реакции беа внимателно следени со месеци, пред вакцините да бидат одобрени.
АКО ВЕЛАТ: “Вакцината може да ме зарази со КОВИД-19“
Може да кажете: Тоа не е вистина, оти не содржи вирус. Вирусот никогаш не влегува во телото низ вакцинирањето, клетките учат како да создадат дел од вирусот, но тој така не може да се развие или рашири. Може да искусите симптоми кои се изразени, но кусо траат. Слични се на симптомите на болеста, но би требало да исчезнат за неколку дена. Тука е секако присутна и болката на местото на примање на вакцината, но и таа е минлива.
АКО ВЕЛАТ: “Вакцината може да ми ја промени ДНК“
Може да кажете: Овие вакцини не влијаат на ДНК. мРНА никогаш не влегува во клетката, делот во кој е ДНК, таа својата работа ја извршува во цитоплазмата, течност што се наоѓа во клетката. Не се задржува во телото, се растопува веднаш кога ќе им испрати сигнал на клетките.
АКО ВЕЛАТ: “Несаканите ефекти може да бидат многу силни“
Може да кажете: Не се големи шансите тоа да се случи, поверојатно е да имате локална реакција, како црвенило и болка во раката и лесно зголемена телесна температура. Муспојавите од вакцината може да бидат поизразени по втората доза, па паметно е и тоа да се планира. Симптомите се поизразени кај млади лица, но експерите напоменуваат дека се работи за ниска цена за толкава заштита. Околу 11 случаи на еден милион лица, по вакцината имале алергиска реакција. Оние кои имаат проблеми со алергии со силни реакции, треба пред примање на дозата, да поразговараат со својот лекар.
