Токму тие капки се одговорни за пренесување на вирусот, вели д-р Стив Пергам, медицински директор за превенција од инфективни болести во центарот Seattle Cancer Care Alliance.
Доколку лице ги вдиши тие капки или тие некако дојдат во неговата уста или нос, можно е да се зарази. Ако лицето допре маска на која се наоѓа вирусот, исто така може да биде изложено на инфекција со новиот коронавирус.
Од тие причини, важно е маската постојано да се одржува чиста и дезинфицирана, инаку нема смисла воопшто и да се носи. Еве како најдобро тоа да се направи, без разлика дали станува збор за платнена или медицинска маска.
ПЛАТНЕНА МАСКА
Специјалистот за инфективни болесто, д-р Дебра Гоф вели дека платнените маски, шалови или прекривки, се група на предмети кои треба редовно да се чистат.
Ако планирате да ја перете во машина, прво убаво измијте ги рацете, па дури потоа тргнете ја маската од лице и притоа внимавајте да не ги допирате очите, носот или устата, напоменува лекарката. Маската ставете ја директно во машината и повторно измијте ги рацете. Најдобро е да се пере на највисока температура.
Ако сакате маската да ја исперете рачно, д-р Гоф советува да ја следите истата процедура за миење на рацете пред вадење на маската од лице. За успешно да ја дезинфицирате, во сад ставете 4 лажици избелувач за алишта и во тој раствор оставете да стои пет минути. Потоа убаво исперете и исплакнете и ставете ја маската да се суши на воздух.
КАКО ДА ДЕЗИНФИЦИРАТЕ МЕДИЦИНСКА МАСКА?
Д-р Каиминг Је, професор на Универзитетот Бингамтон во Њујорк, смета дека одредени маски, како медицинските, се наменети за еднократна употреба, а тоа значи дека треба да се фрли веднаш по носењето. Тој додава дека може повторно да се користи, но само ако станува збор за посебни услови и ако е правилно дезинфицирана.
На пример N95 маските (филтирачки полумаски со вентил и без вентил) може да се дезинфицираат по специјални апарати за таа намена. Тој додава дека до денес не се спроведени тестови кои покажуваат дека медицинските маски можат успешно да се дезинфицираат и повторно да се користат.
Ако сепак не сте во можност да ја замените маската веднаш по користењето, а ви е потребна, д-р Гоф советува добро да ја прегледате кога ќе ја извадите. Ако е валкана, искината или влажна од пот, мора да ја фрлите во ѓубре. Ако се чини чиста, советува да ја ставите во хартиена кеса пред наредно користење. Но, идеално е, потеницра тој, ако ја користите само еднаш.
