Во светот во 2018 година, вкупно се дијагностицирани 17 милиони нови случаи на рак. Најчести типови на рак во светот се карциномите на бели дробови, дојка, дебело црево и простата, а овие 4 типа чинат над 40% од сите случаи. Според проекциите, до 2040 година ќе има 27,5 милиони новодијагностицирани онколошки пациенти годишно. Најмногу луѓе починале од рак на бели дробови, црн дроб, желудник и дебело црево, кои заедно чинат над 40% пд сите смртни случаи таа година.
РАНАТА ДИЈАГНОЗА Е ВАЖНА
Ракот на бели дробови е една од најчестите причини за болести и во САД, а според Американското здружение за рак, секоја година, повеќе луѓе умираат последиците на ракот на белите дробови отколку на дебело црево, дојка и простата заедно. Најважно е рано откривање на ракот со цел што поуспешно лекување на болеста. Еве неколку симптоми кои може да укажуваат на рак на белите дробови.
- ПОСТОЈАНА КАШЛИЦА
“За жал, не се сите симптоми на рак на белите дробови јасно видливи пред ракот да се прошири, но има некои сигнали кои можат да откријат дека е време за лекар. Тие симптоми вклучуваат постојано кашлање, крв при кашлање или засипнатост, а многумина ќе ги заменат со некој друга состојба“, вели д-р Сонал Сура, онколог од Флорида.
- БОЛКА ВО ГРАДИТЕ
“Болката во градите е чест симптом и кај многу други здравствени состојби“, објаснува онкологот д-р Гетин Вилијамс од Тексас. Хроничната болка во градите е еден од најочигледните знаци на рак на белите дробови, особено ако станува поинтензивна при длабоко дишење, кашлање или смеење. Обрнете внимание на тоа дали болката се шири кон грбот и рамената. Без разлика дали болката е тапа или остра, разговарајте со вашиот лекар ако трае долго време.
- ПОТЕШКОТИИ СО ДИШЕЊЕТО
Доколку имате проблеми со дишењето или кога дишете слушате звук на свирење, тоа секако може да биде сигнал за рак на бели дробови, а причината е што ракот ќе ја попречи работата на дишните патишта и може да доведе до отежнато дишење.
- БЕЛОДРОБНО ВОСПАЛЕНИЕ КОЕ НЕ ПОМИНУВА
Еден од првите и најочигледни знаци на ракот на бели дробови кај многумина може да биде пневмонија која не поминува, вели д-р Пуја Упал од Мичиген, додавајќи дека е важно да се реагира на овој симптом и да се посети лекар.
- ГЛАСНО ДИШЕЊЕ
“Симптом на рак на белите дробови кој е непознат за многумина се нарекува инспираторен стридор, а укажува на опструкција на душникот, ларингсот или епиглотисот. Д-р Упал додава дека нашите дишни патишта и бели дробови се всушност многу поврзан инструмент, па ако нешто ви пречело еднаш, и друг орган ќе работи потешко. Токму таквите пречки предизвикуваат промени во протокот на воздух, па тоа можеме да го перцепираме како гласно дишење.
- ПОСТОЈАНА ТЕМПЕРАТУРА
“Температурата може да биде предизвикана од различни нешта, но и од рак на белите дробови. Ракот на белите дробови може да предизвика температура поради воспалителни процеси кои ослободуваат воспалителни цитокини, мали молекули кои го регулираат имуниот систем. Покрај тоа, ракот на белите дробови може да ги блокира дишните патишта, што може да доведе до инфекција“, истакнува д-р Вилијамс.
- ИНТЕНЗИВНО ПОТЕЊЕ
“Ракот на белите дробови може да предизвика силно и интензивно потење бидејќи телото се прегрева. Станува збор за тоа дека клетките на ракот трошат енергија и произведуваат повеќе топлина од здравите клетки и предизвикуваат ослободување на воспалителни цитокини. Со потењето, телото се обидува да се разлади.
- ГУБЕЊЕ НА КИЛОГРАМИ
Како и со секој тип на карцином, напредниот тумор може да произведе протеини кои предизвикуваат губење на телесната тежина. Како резултат на тоа, може да забележите и намалување на апетитот.
