Старечките пеги на рацете и лицето најчесто се јавуваат во зрелата возраст, над педесет години. Овие несакани хиперпигментации понекогаш не ги заобиколуваат ниту помладите, особено ако повеќе се изложени на сонце. За појава на старечки пеги во голема мера придонесуваат и хормоналните промени како и генетиката.
Кафените дамки на кожата естетски не изгледаат убаво, но за среќа не се штетни ниту пак опасни. Доколку ги имате не треба да бидете особено загрижени, но разбирливо е дека многумина ќе сакаат да ги отстранат.
Освен скапите креми и третмани, постојат и многу природни рецепти кои можете да ги направите во вашиот дом. Сите користат природни состојки кои можат да се најдат во сечија кујна.
Оцет од јаболка
Ефикасно ги отстранува темните дамки од кожата, особено оние од сонцето. Нанесете малку јаболков оцет над пегите, оставете да делува половина час, а потоа исплакнете.
Ако третманот се прави еднаш дневно, првите резултати ќе се забележат по шест недели. За подобрување на ефектот, може да се измеша со сок од кромид.
Мед и јогурт
Оваа комбинација многу успешно ги елиминира кафените точки на лицето. Се мешаат еднакви делови на мед и јогурт, се нанесуваат на старечките пеги. Откако ќе делуваат дваесеттина минути се мијат.
Сок од лимон
Благата киселина од овој цитрус ги отстранува мртвите клетки и го активира формирањето на ново ткиво. Нанесете лимонов сок директно на дамките на кожата, најмалку два пати на ден. Повторете ја постапката додека не ги добиете посакуваните резултати.
