Понекогаш се чини дека за здрава ужинка е доволно само да се исфрлат рафинираните јаглехидрати, додека се друго е дозволено.
Ако сакате здрава ужинка и притоа да не се поправите, заобиколете ги овесните бисквити и гранола, бидејќи се полни со јаглехидрати. Еве што да јадете без никаква грижа на совест…
Јаболка и сирење
Комбинацијата на солено и слатко е идеална за вистинските гурмани. Земете половина јаболка и наизменично гризнете јаболко, па парче сирење. Тоа може да биде малку моцарела или посно сирење. Комбинацијата на протеини и маснотии од сирењето и влакната од јаболкото ја прават оваа ужинка комплетна. Овој оброк содржи само 10 г јаглехидрати!
Авокадо на тркало од експандиран ориз
Исечкајте една четвртина зрело авокадо и ставете го на тркало од експандиран ориз. Овој оброк содржи 18 г јаглехидрати.
Тврдо варени јајца
Тврдо варените јајца се хранлив извор на протеини, кои долго ќе ве држат сити. Варените јајца може да ги изедете сами или во комбинација со свежа салата.
Јаткасти плодови
Мешаните јаткасти плодови може да бидат забавна и хранлива ужинка. Единствено внимавајте на количината, бидејќи оревите содржат многу калории и здрави масти!
Хумус
Ова ориентално јадење е идеална здрава ужинка! Исечете го омилениот зеленчук, како свежа пиперка, краставица или целер и изедете го со вкусниот и хранлив хумус!
Јогурт и свежи краставици
Ова е навистина освежувачка комбинација која го храни и го хидрира телото. Излупете 1 краставица и исечкајте ја во чаша јогурт. Оваа закуска содржи 12 г јаглехидрати, но и мега доза на протеини (20 г).
Салата со мисирка
Исечкајте 30 г мисиркино месо на ленти, испечете ги, па премачкајте со со сенф и завиткајте со лист зелена салата. Оваа лесна ужинка содржи околу 3 г јаглени хидрати.
- Посно сирење и зрнесто овошје: Посното сирење освежете го со пола шолја зрнесто овошје (малини, капини, боровинки, јагоди …). Ако чезнеете по слатка ужинка, додадете во сирењето малку стевија. Оваа вкусна закуска содржи околу 18 г јаглехидрати
Целер и путер од кикиритки
Исчистете 2 стебленца од целер и секое премачкајте го со лажица путер од кикиритки. На овој начин, ќе внесете 9 г јаглехидрати во вашето тело.
Чипс од кељ
Мора да ја пробате оваа здрава закуска! За подготовка ви е потребен само кељ, неколку зачини и добра рерна.
Полнети домати
Издлабете ги доматите и наполнете ги со туна од конзерва. Може да ги јадете свежи или да ги запечете во рерна. Оваа ужинка содржи само 3,5 г јаглехидрати!
