Пациентите кои боледуваат од лупус имаат нерамнотежа на цревниот микробиом. Според најновата студија, кај нив, во однос на здравите лица, е воочено пет пати поголем број на бактеријата Ruminococcus gnavus. Се смета дека ова откритие може да доведе до успешно лекување на лупусот.
Лупусот погаѓа околу пет милиони лица ширум светот. Причината за оваа, понекогаш и смртоносна болест, не е позната, иако се верува дека генетиката има улога во појавата на лупус. Симптомите на лупус може да бидат различни и вклучуваат болка во зглобовите и во мускулите, исип, губење на косата, замор и отоци на различни делови на телото.
Треба да се напомене дека лупусот има неколку форми, а најпознат е системскиот еритемски лупус кај кој имуниот систем создава антитека против сопственото ткиво. Лупусот може да ја зафати кожата, зглобовите, срцето, белите дробови, бубрезите и мозокот.
Што се однесува до цревниот микробиом, треба да се нагласи дека бројни истражувања ја покажале неговата поврзаност со разни болести и со функцијата на имуниот систем.
Ова истражување исто така открило дека тежината на симптомите на лупус е поврзана со зголеменото ниво на бактеријата Ruminococcus gnavus и антитела.
Според мислењето на стручњаците, можеби за лекување на лупусот, наместо имуносупресиви, може да се користат антибиотици, кои убиваат бактерии, или пробиотици кои го поттикнуваат растот на одредени “добри“ бактерии.
