Склоност кон мигрена имаат темпераметните луѓе кои имаат ниска отпорност на стрес. Освен тоа, склоноста може да биде наследна, а појава на главоболка може да зависи и од полот (жените страдаат од мигрена почесто од мажите). Постојаниот стрес и нервози, исто така имаат сериозно влијание на здравјето.
Покрај овие фактори, квалитетот на исхраната игра голема улога. Научниците откриеле дека недостаток на одредени витамини и макро елементи може да бидат причина за главоболка.
Фолна киселина – витамин Б 12
Поради недоволни колличини на овие супстанци во телото, човекот станува заборавен, расеан, раздразлив. Дотолку повеќе што кога ќе се појави главоболка посегаме по лекови кои содржат ацетилсалицилна киселина, која го намалува нивото на фолна киселина и витамин Б12.
За да се надомести овој недостаток, потребно е да се јаде спанаќ, тиква, брокула, авокадо, репка, морков и јајца. Потрудете се овие намирници да ги вброите во секојдневната исхрана и ќе видите дека подобро ќе се чувствувате.
Бакар и железо
Бакарот и железото се исто така важни макро елементи. До нивен недостаток најчесто доаѓа кај жените, а тоа доведува и до развој на анемија, миргрена, хипотензија, депресија и замор.
Овие важни супстанци може да ги добиете преку консумирање ореви, грав, козјо сирење, џигер, авокадо, зелена салата, семки, алги.
Витамин Б6
Недостаток на овој витамин доведува до развој на васкуларни заболувања. За да тоа се спречи, јадете повеќе грав, свеж зеленчук, дроб, житарки. На тој начин ќе го сочувате здравјето на виталните органи, како што се срцето и мозокот, а исто така ќе ги зајакнете и нервниот и кардиоваскуларниот систем.
Витамин Д
Ова е важен витамин кој се создава во телото кога е изложено на сончева светлина. Во период на есен-зима, кога нема доволно сонце, мора да се погрижите за исхраната и да внесувате храна што го содржи овој витамин, а тоа се јајца, мешунки, дроб, морски плодови и сите млечни производи.
Не заборавајте дека здравата исхрана, спиењето, шетањето на свеж воздух и важбањето, се клуч за здравјето и долговечноста! Здравиот начин на живот ги намалува главоболките и нивниот интензитет.
