Нова студија на британските научници од Лидс покажала дека меѓу сите опасности поврзани со недостатокот на сон, поголемиот обем на половината е еден од најигнорираните ризици. Истражувањето објавено со списанието PLОS one опфатило следење на сонот и режимот на исхрана кај 1 600 возрасни мажи и жени.
По анализата на нивните модели на одмор, како и на телесната тежина, обемот на половината и крвниот притисок е утврдено дека оние кои спиеле помалку од седум часа навечер се склони да имаат поголем обем на струкот, од оние кои спиеле по седум и повеќе часа во текот на ноќта.
Водачот на истражувањето, д-р Лора Харди вели дека новите откритија го покажуваат значењето на одморот секоја вечер кој би требал да трае меѓу седум и девет часа за секоја возрасна индивидуа.
Објаснувајќи ја можната врска меѓу проблемите со сонот и телесната тежина, истражувачите истакнуваат дека лицата кои не се доволно наспани, исто така имаат пониско ниво на добриот холестерол.
Иако можеби изгледа тешко да се разбере зошто недостатокот на сон може да доведе до поголем обем на половината, во студијата е објаснето дека се се сведува на магичен круг. Кога човекот го започнува денот без енергија, секогаш посегнува по храна богата со шеќери за да добие инстант енергија. Заморот, очекувано пречи и на физичката сила, така што вишокот внесени калории не успеваат да бидат согорени преку телесна активност.
„Со оглед на тоа дека статистиката покажува дека недостатокот на сон може потенцијално да ги зголеми сантиметрите на половината, најдобро е да не се одложува справувањето со проблемите со сонот и веднаш да се побара помош“, вели д-р Харди.
