Aнализата на 42 студии во кои биле вклучени повеќе од 75 000 деца, покажала дека недостатокот на сон може да го зголеми ризикот од развојот на дебелина кај децата.
Резултатите од оваа студија укажуваат на тоа дека спиењето може да биде важен потенцијално променлив фактор на ризик за дебелина.
Прекумерната телесна тежина и дебелина може да доведат до развој на кардиоваскуларни заболувања и дијабетес тип 2, кои се, исто така, во пораст кај децата.
Децата кои спиеле помалку од препорачаното за својата возраст имале 58 отсто поголем ризик од прекумерна телесна тежина и дебелина отколку децата кои спиеле колку што требало.
Стручњаците препорачуваат децата на возраст од 4 до 11 месеци да имаат од 12 до 15 часа ноќен сон. Децата од 1 до 2 години треба да имаат 11 до 14 часа сон, децата на претшколска возраст, од 3 години до 5 години, треба да спијат 10 до 13 часови, додека децата на школска возраст од 6 до 13 години мора да спијат 9 до 11 часа. За тинејџерите (14-17 години) се препорачува сон од 8 до 10 часа, пишува „Sleep“.
