Добриот сон во текот на ноќта кој подразбира непрекинато спиење од 7 часа, е пресуден за одржување на доброто севкупно здравје. Лошиот сон го нарушува здравјето и краткорочно и долгорочно, според доказите на бројни студии. Со обезбедување квалитетен сон, луѓето можат да влијаат на еден аспект од здравјето – на кардиоваскуларното здравје. Наодите од овогодинешното истражување покажале дека со спиење помалку од 6 часа во текот на ноќта, можете да го зголемите ризикот од настанување атеросклероза за дури 27 отсто.
Како лошиот сон поттикнува васкуларни проблеми
Студијата објаснува како добриот сон може да има позитивно влијание на одржувањето на добрата циркулација, што придонесува за здравјето на артериите. Истражувањето од Универзитетот Колорадо во Болдер прецизирало потенцијален биолошки механизам кој ја објаснува другата страна на медалот, како недостатокот на сон влијае на циркулацијата и таложењето на масните наслаги во артериите (атерогенеза), што може да го зголеми ризикот од добивање мозочен или срцев удар.
Седум часа сон за кардиоваскуларно здравје
Зошто се потребни баш 7 часа спиење во текот на ноќта?
„Не се работи за никаков магичен број, најверојатно се работи за човечка потреба за седумчасовно спиење како би се одржало нивото на важни физиолошки регулатори“, рекол професорот Ди Сиза, еден од авторите на студијата.
Професорот нагласува и дека наодите од неодамнешната студија го поткрепуваат она што студиите за спиењето постојано го потенцираат, а тоа е дека квалитетот на сон влијае на неочекувани аспекти на здравјето.
