Неодамнешна студија укажала на уште еден фактор ризик за кардиоваскуларните болести. Имено, недостатокот на сон или сонот со лош квалитет го зголемува ризикот од атеросклероза – хронична артериска болест која се карактеризира со таложење масни наслаги на ѕидовите на артериите. Овие наслаги можат да доведат оштетување на ѕидовите на артериите, какои до стеснување, па и до запушување на артериите, а овие последици можат да бидат причина за срцев и мозочен удар.
Резултатите од студијата во која учествувале 3 974 банкарски службеници од Шпанија покажале дека личностите кои ноќе спијат помалку од 6 часа имаат за 27 проценти поголем ризик од атеросклероза од оние кои спијат 7 до 8 часа. Личностите кои често се будат ноќе или немирно спијат, исто така, имаат зголемен кардиоваскуларен ризик, односно за 34 проценти поголем ризик од кардиоваскуларни болести.
Научниците, исто така, утврдиле и дека учесниците кои пократко или полошо спиеле,почесто консумирале алкохол и напитоци кои содржат кофеин.
