Цинкот е минерал во траги, што значи дека нашето тело бара многу мали количини на цинк за да функционира правилно. Сепак, во никој случај не треба да се занемари таа мала количина.
„Треба да се знае дека и најмалото отстапување во потребната дневна доза цинк е доволно организмот да го почувствува негативното влијание на недостигот на овој минерал“, вели нутриционистот Аманда Бонтемпо.
Здравите возрасни жени имаат потреба од осум милиграми цинк на ден, бремените жени, 11 милиграми, а доилките 12 милиграми цинк. Но, важно е недостатокот на цинк да не се надокнадува преку различни додатоци во исхраната, бидејќи тоа може да доведе до создавање вишок, што може да има негативни ефекти врз телото. Наместо тоа, нутриционистите советуваат секојдневното мени да се збогати со намирници богати со овој минерал, како што се мешунките, оревите и семињата.
Една од најважните функции на минералот е да помогне да се зачува здрав имунолошкиот систем
Во нашето тело, цинкот игра дефанзивна улога во борбата против токсините и другите штетни материи кои ги внесуваме секој ден. Исто така, игра клучна улога во производството на Т-клетки, кои го штитат организмот од вируси и клетките на ракот. Накратко, недостатокот на цинк го загрозува имунитетот, со што организмот е поподложен на болести.
Го одржува нивото на шеќер во крвта
Инсулинот е хормон кој е одговорен за одржување на избалансирано ниво на шеќер, што значи дека е клучен за здравјето. Цинкот помага да се синтетизира, складира и раствора инсулинот во панкреасот. Тоа значи дека недостатокот на цинк во телото ќе се одрази на нивото на инсулин, што може да доведе до лоши навики во исхраната и нагли промени во нивото на шеќер во крвта.
Му помага на телото да заздрави
Во тело постојано се одвива соработка помеѓу цинкот и тромбоцитите кои помагаат во згрутчувањето на крвта и заздравувањето на раните. Тоа значи дека ако забележувате дека на раните им треба повеќе време отколку што е вообичаено за да се залекуваат, една од можните причини е недостатокот на цинк.
Го стимулира функционирањето на дигестивниот систем
Цинкот делува со протеините во секој орган и поддржува речиси 100 различни ензими во различни процеси, од кои еден е дигестијата. Поточно, организамот не е во можност целосно да ја свари храната и да ги искористи хранливите материи без помош на цинкот. Симптомите како гадење, повраќање или дијареа многумина го толкуваат како нетолеранција на глутен, но можно е дека не внесуваат доволно храна богата со цинк, како јогурт, сирење, спанаќ или морска храна.
Помага да уживате во вкусот на храната
Цинкот е од големо значење за функционирање на рецепторите за вкус, така што ако ви се чини дека веќе не ги чувствувате вкусовите и мирисите како некогаш, тоа може да е последица на недостатокот на цинк во телото.
Ја подобрува концентрацијата
Истражувањата покажаа дека постои поврзаност помеѓу нивоата на цинк во телото и способноста да се фокусираме на некоја работа долго време.
Го поттикнува метаболизмот
Цинкот помага во дигестијата на протеините, јаглехидратите и мастите. Недостатокот на овој минерал може да се манифестира како недостаток на енергија и целосна забавеност.
