Аномалијата која се појавува како резултат на недостиг на формирање на половина прешлени од `рбетниот столб се нарекува хемивертебра. Карактеристично за ова заболување е што најчесто едната половина од ‘рбетниот прешлен е делумно или целосно развиена, додека другата изостанува. Како резултат на недостатоците во развојот на ‘рбетниот столб, се развива искривување на ‘рбетниот столб: кифоза, сколиоза или лордоза.
Невролошките испади (парализа на нозете, нарушена дефекација и болка) се појавуваат поради: ангулација или стеснување на ‘рбетниот канал, нестабилност на ‘рбетот, исчанчување или скршеница на прешленот.
Најпознат синдром од оваа малформација е Клипел Феил (Klippel Feil) – сраснување на вратни прешлени.
Блок вертебра
Настанува поради предвремено сраснување на неколку прешлени. Ова може да доведе до компресија на нервните корени кои излегуваат од пршлените.
Spinal cord tethering syndrome
Spinal cord tethering syndrome се јавува кај одредени невролошки заболувања кои се појавуваат поради малформација на `рбетен мозок како: здебелен филум терминале, липомиелоцеле, диастематомиелија, дермален синус и др.
Нормално ‘рбетниот мозок стои лесно во `рбетниот канал и може да се движи нагоре-надолу или напред-назад. Кај овие заболувања ‘рбетниот мозок е фиксиран во една положба, неговиот краен дел е затегнат и како резултат на тоа доаѓа до недоволен развој. Кај деца ова е особено изразено како што детето расте, а ‘рбетниот мозок останува фиксиран и се истегнува. Сето ова доведува до невролошки симптоми како: отежнато движење, отежнато мокрење, ноќно мокрење и сл. Често е придружен со сколиоза и деформитети на стапалата.
Во најголем процент од случаите на оваа аномалија, третманот е хируршки и потребно е да се направи што е можно порано.
