Сапуни, креми, тоници и гелови се само некои од производите кои ги користиме секојдневно. Но што мислат дерматолозите за нив?
Дерматологот Рејчел Назариан од Њујорк тврди дека никогаш не би користела лосион со заштитен фактор во спреј, бидејќи смета дека не ја обезбедува заштитата, која е означена на пакувањето, бидејќи не се нанесува во доволно дебел слој.
На пазарот постои цело чудо на различни производи за нега и заштита на кожата, а многу од нив ги користиме без да знаеме дека всушност ни штетат. Барем така тврдат дерматолозите.
Производите со парабени се штетни за здравјето на кожата, а тие се често состојка на многу производи за нега на кожата, вклучувајќи ги и кремите против стареење
Експертите советуваат: проверете ги состојките на производот пред да го купите!
Тоникот за кожа е вообичаен производ што многу жени го користат во своите ритуали. Чистење на кожата, па тоник и на крајот, крема. Но, многу тоници содржат алкохол, кој ја суши кожата и би требало да се избегнуваат.
Маслата за бронзена боја на кожата, секако, треба да се избегнуваат, бидејќи многу луѓе во желбата за боја со часови се пржат на сонце, а маслото само по себе не нуди висок процент на заштита и ги затвора порите.
Хотелските сапуни за многумина се омилени сувенири кои ги носат дома од патувањата, но тие многу често ја сушат кожата и воопшто не треба да се користат за миење на лицето.
