Причините за појава на инконтиненција се различни. Според патогенезата се разликуваат два типа: кај првиот причинител е мочниот меур и се дели на два поттипа – ургентен тип на инконтиненција и overflow тип на инконтиненција, кој се јавува поради преполнетост на мочниот меур. Вториот тип на инконтиненција настанува поради оштетувања на сфинктерот (мазен кружен мускул), кој го регулира излачувањето или анатомска малпозиција (неправилности), кога и покрај сочуваноста на сфинктерот постои инконтиненција. Причина за дисфункција на сфинктерот може да биде и повреда при скршеници на карлицата.
Третманот за оваа состоја е различен, во зависност од степенот и возраста на пациентот. Но наспроти хируршката интервенција, постои и нехируршки пристап кој се базира на јакнење на мускулите на карличното дно, како и на тоа пациентот да научи да ги користи овие мускули во спречување на неволно губење урина.
Тука спаѓаат следните методи:
- Кегелови вежби за јакнење на мускулите на карличното дно, особено важни кај благи форми;
- Електрична стимулација која е дополна на вежбите на мускулите на карличното дно, се изведува со специјална електрода;
- Биофидбек – процес на учење на контролирање на сопствените психофизиолошки функции;
- Терапија со естрогени кои предизвикуваат задебелување на слузницата на уретрата и ја зголемуваат реакцијата на мазните мускули на уретрата;
- Релаксанти на мочниот меур.
