Децата секојдневно се изложени на голем број вируси и бактерии, па така играта со врсници или престојот во затворени простории може да предизвикаат зачестена појава и ширење на разни инфекции.
Меѓутоа, овие фактори не влијаат подеднакво врз сите деца. Додека кај некои имунолошкиот систем успешно се бори против разните микроби, други почесто се разболуваат, на пример, од настинка или грип.
Следете ги советите на стручњаците преку кои ќе им обезбедите заштита од разни микроби, кои можат негативно да влијаат врз здравјето на вашиот дете.
- Доволно сон
Покрај тоа што влијае на психичкиот и физичкиот развој на детето, доволно сон помага и во одржување на здравјето и одбрана од инфекции.
Лошиот и недоволен сон може да ја намали отпорноста на организмот и да ја зголеми веројатноста од појава на различни инфекции, но и да влијае на нивното траење.
- Внимавајте на внесувањето на течности
Погрижете се вашето дете во секојдневната исхрана да внесува доволно течности во облик на вода, млеко или овошни сокови богати со витамини.
Избегнувајте пијалаци со висок процент на шеќер и вештачки засладувачи.
- Избалансирана исхрана
Избалансираната исхрана обезбедува силен и здрав имунолошки систем. Нутритивните недостатоци може да ја зголемат осетливоста на вируси и бактерии, па затоа се препорачува во исхраната да се вклучат свежо овошје и зеленчук, јаткасти плодови, семиња, грав и житарки со цело зрно.
Зајакнување на имунитетот може да се постигне и со консумирање на матична млеч која ја потикнува регенерацијата на сите клетки во организмот
Намирници кои придонесуваат за зајакнување на имунитетот се: лимон, банана, папаја, боровница, кајсии, манго и цитрони, кромид, лук, домат, брокула, сладок компир, спанаќ, морков, тиквички, грав, леќа и производи од соја. Овие намирници содржат висок степен на витамини, минерали, ензими и антиоксиданти кои го јакнат имунитетот. Освен тоа, се препорачува и консумација на жолт зеленчук, кој содржи каротеноиди, природна состојка кој го поттикнува имунолошкиот систем и производство на бели крвни клетки.
- Намалете го внесувањето на шеќери
Консумацијата на шеќер го намалува бројот и функцијата на белите крвни клетки кои помагаат во борбата против разни инфекции и ја зголемуваат ефикасноста на имунолошкиот систем.
Освен тоа, шеќерот е одговорен и за други болести, вклучувајќи го и дијабетесот и срцевите проблеми. Наместо производи со висок процент на шеќер, на вашите деца понудете им овошје или овошен јогурт.
- Пробиотици
На пазарот има различни пробиотски препарати наменети за деца. Тие придонесуваат за зајакнување на имунитетот така што помагаат во воспоставување на рамнотежа помеѓу т.н. добри и лоши бактерии и ја зголемуваат или ја подобруваат фагоцитозата, која белите крвни клетки ја користат за онеспособување на бактериите.
Освен тоа, пробиотиците придонесуваат за зголемување на бројот на Т-лимфоцити – природни убијци (важна група на лимфоцити која ги уништува туморите и микробите).
- Добри масти
На вашето дете му е потребна одредена количина незаситени масни киселини за да остане здраво. Тие дејствувааат на зајакнување на имунитетот со зголемување на активноста на белите крвни клетки и го штитат организмот од инфекции.
Истражувањата покажуваат дека децата кои консумираат половина лажичка ленено масло дневно имаат помалку респираторни инфекции
Многу видови риби, како на пример туната, скушата или лососот, се природно богати со омега-3 масни киселини. Друг добар извор на омега-3 е лененото масло кое може да се додаде во житарки или овошни каши. Освен тоа, есенцијалните масни киселини се присутни и во лешниците, оревите, ф’стаците.
- Витамини и минерали
- Витамин Ц – е на врвот на листата кога станува збор за зајакнување на имунитетот. Влијае на зголемување на производството на белите крвни клетки, но и на нивото на интерферон, природни протеини кои произведуваат клетки на имунолошкиот систем како одговор на вируси, паразити и туморски клетки. На пазарот има додатоци на витамин Ц, но доволна количина на истиот може да се внесе и преку помали оброци од овошје и зеленчук.
- Витамин Д – настанува под влијание на сонцето, а го има и во сината риба. Научните истражувања покажуваат дека не може да се активира имунолошкиот систем без негово присуство. Основните функции на витаминот Д се регулирање на имунолошкиот систем, регулирање на растот на клетките и хормоналната рамнотежа. Додаток на витамин Д обично се дава во исхраната кај новороденчињата.
- Витамин Е – е важен антиоксидант кој придонесува за зајакнување на имунитетот кај децата. Го поттикнува производство на Т-лимфоци. Доволна количина на витамин Е може да се добие од исхраната богати со семиња, растителни масла и житарици.
- Цинк – го зголемува производство на белите крвни клетки кои се борат против инфекции и им помагаат да отпуштат повеќе антитела. Истражувањата покажуваат дека додатокот на цинк кај доенчиња и деца може да ја намали појавата на акутни респираторни инфекции. Најдобар извор на цинк се морските плодови, говедско месо, јајца, млеко и мешунки.
- Селен – исто така го зголемува производството на белите крвни клетки. Најдобар извор на селен се: туна, шкампи, јастог, житарки од цело зрно, кафеав ориз, бело пилешко месо, сончоглед, лук, бразилски орев.
- Природни препарати
Во зајакнување на имунолошкиот систем на вашето дете може да ви помогнат и некои природни препарати. Посебно се препорачува растението ехинацеа која дејствува стимулирачки на имунолошкиот систем и има антивирусно и против воспалително дејство. Освен тоа, билката дејствува на зголемување на бројот на леукоцити и ја зголемува фагоцитозата на бактериите.
Зајакнување на имунитетот може да се постигне и со консумирање на матична млеч која ја потикнува регенерацијата на сите клетки во организмот како и консумирање на колострум (првото млеко кое се создава кај родилките). Овие додатоци може да се најдат во форми кои се прифатливи за децата.
- Избегнувајте ги антибиотиците
Денес на децата им се препишуваат многу антибиотици кои можат сериозно да го намалат имунолошкиот систем на детето, но и да изградат отпорност кон самиот лек.
- Рекреација и престој на свеж воздух
Рекреацијата е пожелна од најрана возраст, а во голема мера може да придонесе и за зајакнување на имунитетот. Умерена телесна активност поттикнува производство на бели крвни клетки, а престој во свеж воздух го зајакнува имунитетот на детето.
