Не се ретки случаевите на лица кои по контакт со лице позитивно на коронавирус, иако немаат симптоми или се многу благи, се тестираат за евентуална инфекција во вирусот. Но, се случува наместо позитивен или негативен резултат од тестот да добијат одговор дека имаат наод кој се смета за неважечки.
“Кога тестот е невалиден, треба да се повтори во рок од 24 до 48 часа, по што ќе се види дали е позитивен или негативен. Има различни исходи. Не е ништо невообичаени да се добие неважечки наод и има по некој таков секојдневно. Тоа се случува во сите лаборатории кои извршуваат тестирања за новиот коронавирус“, објаснуваат епидемиолозите.
Во позитивен тест се докажуваат барем два целни вирусни антигени. А, ако се најде само еден, а друг не, тестот е дискутабилен за интерпретација и се издава како неважечки со препорака да се повтори за 24 до 48 часа.
Стручњаците велат дека поради ваквите наоди луѓето не треба да се плашат, бидејќи со повторениот тест ќе се покаже дали лицето е позитивно или негативно, а дотогаш треба да се придржува до пропишаните епидемиолошки мерки, а тоа значи да избегнува блиски контакти со домашните и со други лица, често да ги мие рацете, да носи маска…
Инаку, се смета дека лицето е заразно 48 часа пред појавата на првите симптоми. Исто така, лице кое е тестирано од било која причина, на пример поради претстојна операција, поради одење на патување или поради работа во одредени служби, а е без симптоми и добие позитивен наод, тогаш се бараат неговите контакти во последните 48 часа пред тестирањето, бидејќи очигледно било во контакт со заразено лице во тој период.
